ਤੁਹਾਡੇ ਸਵਾਲਾਂ ਦੇ ਜਵਾਬ (ਅਕਸਰ ਪੁੱਛੇ ਜਾਂਦੇ ਸਵਾਲ)

ਸੱਟਾਂ ਦੀ ਪੂਰਤੀ ਦੇ ਉਦੇਸ਼ ਲਈ ਮੁਆਵਜ਼ਾ ਦੇਣ ਵੇਲੇ, “ਨੋ ਫਾਲਟ” ਇੰਸ਼ੋਰੈਂਸ ਇਹ ਅਣਡਿੱਠ ਕਰ ਦਿੰਦਾ ਹੈ ਕਿ ਹਾਦਸੇ ਦਾ ਕਸੂਰਵਾਰ ਕੌਣ ਸੀ ਤੇ ਇਹ “ਕਸੂਰ” ਨੂੰ ਗੈਰਜ਼ਰੂਰੀ ਮੰਨਦਾ ਹੈ।  ਜੇਕਰ ਕਿਸੇ ਵਾਹਨ ਨਾਲ ਹੋਏ ਹਾਦਸੇ ਕਾਰਨ ਸੱਟਾਂ ਲੱਗ ਜਾਂਦੀਆਂ ਹਨ ਤਾਂ, ICBC, ਜਿਸ ਦਾ ਕਿ ਬ੍ਰਿਟਿਸ਼ ਕੁਲੰਬੀਆ ‘ਚ ਇੰਸ਼ੋਰੈਂਸ ਦਾ ਏਕਾਅਧਿਕਾਰ ਹੈ, ਦਾ ਹਰ ਗੱਲ ‘ਤੇ, ਸਮੇਤ, ਜੇਕਰ, ਕਦੋਂ, ਕਿੰਨਾ ਅਤੇ ਕਿੰਨੀ ਦੇਰ ਲਈ ਇੱਕ ਜ਼ਖਮੀ ਧਿਰ ਨੂੰ ਉਸ ਦੇ ਇਲਾਜ ਤੇ ਮੁਆਵਜ਼ੇ ਦੀ ਰਕਮ ਦੇਣੀ ਹੈ ਜਾਂ ਨਹੀਂ, ‘ਤੇ ਪੂਰਾ ਕੰਟ੍ਰੋਲ ਹੁੰਦਾ ਹੈ।

ਕੁੱਝ ਇੱਕ ਅਧਿਐਨ ਦਰਸਾਉਂਦੇ ਹਨ ਕਿ ਨੋ ਫਾਲਟ ਇੰਸ਼ੋਰੈਂਸ ਖੇਤਰਾਂ ‘ਚ ਜਾਨਲੇਵਾ ਹਾਦਸਿਆਂ ਦੀਆਂ ਦਰਾਂ ‘ਚ ਵਾਧਾ ਹੋਇਆ ਹੈ।  ਕਸੂਰਵਾਰ ਡ੍ਰਾਈਵਰ ਜ਼ਖ਼ਮੀ ਧਿਰਾਂ ਦੇ ਬਰਾਬਰ ਦਾ ਮੁਆਵਜ਼ਾ ਲੈਣ ਦੇ ਹੱਕਦਾਰ ਹੁੰਦੇ ਹਨ।  ਮਾੜੇ ਡ੍ਰਾਈਵਿੰਗ ਵਿਵਹਾਰ ਕਾਰਨ ਸਿਰਫ  ਉਨ੍ਹਾਂ ਦੀਆਂ ਪ੍ਰੀਮੀਅਰਾਂ ‘ਚ ਵਾਧਾ ਹੀ ਕੀਤਾ ਜਾ ਸਕਦਾ ਹੈ।  ਜ਼ਖ਼ਮੀ ਧਿਰ ਨੂੰ ਹਰਜ਼ਾਨੇ ਲਈ ਲਾਪ੍ਰਵਾਹ ਡ੍ਰਾਈਵਰ ਵਿਰੁੱਧ ਮੁਕੱਦਮਾ ਕਰਨ ਦਾ ਕੋਈ ਅਧਿਕਾਰ ਨਹੀਂ ਹੈ ਅਤੇ ਨਾ ਹੀ ਜ਼ਖ਼ਮੀ ਧਿਰ ਨੂੰ ਹੋਏ ਨੁਕਸਾਨਾਂ ਦੀ ਪੂਰਤੀ ਲਈ ਮੁਆਵਜ਼ਾ ਦੇਣ ਲਈ ਕੋਈ ਦੇਣਦਾਰੀ ਬੀਮਾ (Liability Insurance) ਹੈ।

ਸਰਕਾਰ ਦਾ “ਨੋ ਫਾਲਟ” ਦਾ ਇਹ ਵਾਅਦਾ ਗੁਮਾਰਹਕੁੰਨ ਹੈ ਕਿ, ਪੀੜਤ ਅਜੇ ਵੀ “ਅਪਰਾਧੀ ਸਾਬਤ ਹੋ ਚੁੱਕੇ” ਦੋਸ਼ੀ ਚਾਲਕਾਂ, ਜਿਵੇਂ ਕਿ ਸ਼ਰਾਬੀ ਡ੍ਰਾਈਵਰਾਂ, ਵਿਰੁੱਧ ਮੁਕੱਦਮਾ ਕਰ ਸਕਦੇ ਹਨ।

ਬ੍ਰਿਟਿਸ਼ ਕੁਲੰਬੀਆ ‘ਚ, ਜ਼ਿਆਦਾਤਰ, ਲਾਪ੍ਰਵਾਹ ਡ੍ਰਾਈਵਿੰਗ ਹੀ ਹਾਦਸਿਆਂ ਦਾ ਕਾਰਨ ਬਣਦੀ ਹੈ, ਨਾ ਕਿ ਅਪ੍ਰਾਧਿਕ ਵਿਵਹਾਰ।

ਕਿਸੇ ਡ੍ਰਾਈਵਰ ਨੂੰ ਅਪ੍ਰਾਧਿਕ ਡ੍ਰਾਈਵਿੰਗ ਦੇ ਦੋਸ਼ਾਂ ਹੇਠ ਬਹੁਤ ਹੀ ਘੱਟ ਹਾਲਾਤ ‘ਚ ਦੋਸ਼ੀ ਠਹਿਰਾਇਆ ਜਾਂਦਾ ਹੈ, ਬਹੁਤ ਵਾਰ ਅਜਿਹੇ ਦੋਸ਼ਾਂ ਨੂੰ ਘੱਟ ਕਰਕੇ ਟ੍ਰੈਫਿਕ ਅਪਰਾਧ ਮੰਨ ਲਿਆ ਜਾਂਦਾ ਹੈ ਤੇ ਜਾਂ ਚੰਗੇ ਚਾਲ ਚਲਣ ਦੇ ਦਿਖਾਵੇ ਤੋਂ ਬਾਅਦ ਛੱਡ ਦਿੱਤਾ ਜਾਂਦਾ ਹੈ।

ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਭਾਵੇਂ ਕਸੂਰਵਾਰ ਡ੍ਰਾਈਵਰ ‘ਤੇ ਅਪ੍ਰਾਧਿਕ ਡ੍ਰਾਈਵਿੰਗ ਦੇ ਦੋਸ਼ ਲੱਗੇ ਹੋਣ ਤੇ ਉਹ ਦੋਸ਼ੀ ਵੀ ਠਹਿਰਾਇਆ ਜਾ ਚੁੱਕਾ ਹੋਵੇ, ਪਰ ਪੀੜਤ ਨੂੰ ਨੁਕਸਾਨਾਂ ਬਦਲੇ ਮੁਆਵਜ਼ਾ ਦੇਣ ਲਈ ਕੋਈ ਵੀ ਇੰਸ਼ੋਰੈਂਸ ਨਹੀਂ ਹੈ।  ਮਤਲਬ ਇਹ ਕਿ ਦੋਸ਼ੀ ਪਾਏ ਗਏ ਗਲਤ ਕੰਮ ਕਰਨ ਵਾਲ਼ਿਆਂ ਖਿਲਾਫ, ਨਿੱਜੀ ਮੁਕੱਦਮੇ ਚਲਾਉਣ ਲਈ ਕਈ ਸਾਲਾਂ ਤੱਕ ਕਾਨੂੰਨੀ ਫੀਸਾਂ ‘ਤੇ ਹਜ਼ਾਰਾਂ ਹੀ ਡਾਲਰ ਖਰਚਣੇ ਪੈਣਗੇ। ਸਭ ਤੋਂ ਮਾੜੀ ਗੱਲ ਇਹ ਹੈ ਕਿ ਨਿੱਜੀ ਬਚਾਓ ਪੱਖ ਦੇ ਵਿਰੁੱਧ ਜ਼ਿਆਦਾਤਰ ਨਿਰਣੇ “ਫੋਕੇ” ਹੀ ਹੁੰਦੇ ਹਨ, ਕਿਉਂਕਿ ਗਲਤ ਕੰਮ ਕਰਨ ਵਾਲ਼ੇ ਆਮਤੌਰ ‘ਤੇ ਦੀਵਾਲੀਏਪਨ ਦਾ ਐਲਾਨ ਕਰ ਦਿੰਦੇ ਹਨ, ਜਾਂ ਉਨ੍ਹਾਂ ਕੋਲ ਕੋਈ ਪੈਸਾ ਜਾਂ ਜਾਇਦਾਦ ਨਹੀਂ ਹੁੰਦੀ ਜਿਸ ਨਾਲ਼ ਉਹ ਕੋਈ ਮੁਆਵਜ਼ਾ ਅਦਾ ਕਰ ਸਕਣ।  ਲਗਭਗ 99% ਕੇਸਾਂ ਦਾ ਨਤੀਜਾ ਇਹ ਨਿਕਲਦਾ ਹੈ ਕਿ ਜ਼ਖ਼ਮੀ ਧਿਰ ਕੋਲ ਸਿਰਫ ਨੋ ਫਾਲਟ ਲਾਭ ਹੀ ਬਚਦੇ ਹਨ।

ਜੇਕਰ ICBC ਤੁਹਾਨੂੰ ਨਿਪਟਾਰੇ ਲਈ ਇੱਕ ਅਣਉਚਿੱਤ ਪੇਸ਼ਕਸ਼ ਦਿੰਦੀ ਹੈ, ਤਾਂ ਤੁਹਾਨੂੰ ਹੋਏ ਨੁਕਸਾਨਾਂ ਲਈ, ਇੱਕ ਸੁਤੰਤਰ ਜੱਜ ਜਾਂ ਜਿਊਰੀ ਤੋਂ ਇਹ ਫੈਸਲਾ ਕਰਵਾਉਣ ਲਈ, ਕਿ ਕੀ ਸਹੀ ਹੈ, ਅਦਾਲਤ ‘ਚ  ਹਰਜ਼ਾਨੇ ਦਾ ਮੁਕੱਦਮਾ ਕਰਨ ਦਾ ਕੋਈ ਅਧਿਕਾਰ ਨਹੀਂ ਹੈ।  ਕਨੇਡਾ ਦੇ ਸੰਵਿਧਾਨ ਅਨੁਸਾਰ ਅਦਾਲਤਾਂ ਸਰਕਾਰ ਤੋਂ ਸੁਤੰਤਰ ਹੁੰਦੀਆਂ ਹਨ।  ਇਸ ਦੀ ਬਜਾਏ, ਪ੍ਰਸਤਾਵਿਤ ਨੋ ਫਾਲਟ ਇੰਸ਼ੋਰੈਂਸ ਸਕੀਮ ਤੁਹਾਨੂੰ ਅਜਿਹੀਆਂ ਸੰਸਥਾਵਾਂ ਕੋਲ਼ ਅਪੀਲ ਕਰਨ ਲਈ ਮਜ਼ਬੂਰ ਕਰਦੀ ਹੈ ਜਿਹੜੀਆਂ, ਸਰਕਾਰ ਵੱਲੋਂ ਹੀ ਕੰਮ ‘ਤੇ ਰੱਖੀਆਂ ਜਾਂ ਕੰਮ ‘ਤੋਂ ਹਟਾਈਆਂ ਜਾਂਦੀਆਂ ਹਨ, ਜਿਵੇਂ ਕਿ ICBC “ਨਿਰਪੱਖ਼ਤਾ ਕਮਿਸ਼ਨਰ”, “ਸਿਵਲ ਰੈਜ਼ੋਲੂਸ਼ਨ ਟਰਿਬਿਊਨਲ” (CRT) ਜਾਂ ਕੋਈ “ਓਮਬਡਸਮੈਨ”।

‘ਨੋ ਫਾਲਟ’ ‘ਚ ਤੁਹਾਨੂੰ ਲਾਭਾਂ ਲਈ ਅਰਜ਼ੀ ਦੇਣੀ ਲਾਜ਼ਮੀ ਹੈ, ਅਤੇ ਤੁਹਾਨੂੰ ਇੱਕੋ ਬਾਰ ਸਾਰਾ ਹਰਜ਼ਾਨਾ ਇਕੱਠਾ ਹੀ ਨਹੀਂ ਦਿੱਤਾ ਜਾਂਦਾ।  ਇਸ ਦਾ ਮਤਲਬ ਇਹ ਹੈ ਕਿ ਉਹ ਲੋਕ, ਜੋ ਵਕੀਲ ਨੂੰ ਘੰਟਿਆਂ ਦੇ ਹਿਸਾਬ ਨਾਲ਼ ਪੈਸੇ ਦੇਣ ਦੇ ਸਮਰੱਥ ਹੋਣਗੇ, ICBC ਦੇ ਫੈਸਲਿਆਂ ਵਿਰੁੱਧ ਚੁਨੌਤੀ ਦੇਣ ਲਈ, ਸਿਰਫ ਉਨ੍ਹਾਂ ਦੀ ਹੀ ਕਾਨੂੰਨੀ ਨੁਮਾਇੰਦਗੀ ਹੋ ਸਕੇਗੀ।  ਜਿਸ ਦਾ ਨਤੀਜਾ ਨਿੱਕਲੇਗਾ, ਦੋ-ਪੱਧਰੀ ਨਿਆਂ ਪ੍ਰਣਾਲੀ, ਇੱਕ ਪ੍ਰਣਾਲੀ ਅਮੀਰ ਲੋਕਾਂ ਲਈ ਅਤੇ ਦੂਜੀ ਬਾਕੀ ਸਾਰੇ ਬ੍ਰਿਟਿਸ਼ ਕੁਲੰਬੀਆ ਨਿਵਾਸੀਆਂ ਲਈ।  ਬ੍ਰਿਟਿਸ਼ ਕੁਲੰਬੀਆ ਨਿਵਾਸੀਆਂ ਦੀ ਵੱਡੀ ਬਹੁਗਿਣਤੀ ICBC ਨਾਲ਼, ਸੱਟਾਂ ਦੀ ਗੰਭੀਰਤਾ ‘ਤੇ ਨਿਰਭਰ ਹੈ, ਅਤੇ ਉਹ ਹਫ਼ਤਿਆਂ, ਮਹੀਨਿਆਂ, ਸਾਲਾਂ, ਜਾਂ ਅਣਮਿਥੇ ਸਮੇਂ ਤੱਕ ਆਪਣੇ ਬਲਬੂਤੇ ਹੀ ਸਿੱਝਣ ਲਈ ਮਜ਼ਬੂਰ ਹੋਣਗੇ। 

ਬ੍ਰਿਟਿਸ਼ ਕੁਲੰਬੀਆ ਨਿਵਾਸੀਆਂ ਤੇ ਉਨ੍ਹਾਂ ਦੇ ਡਾਕਟਰਾਂ ਤੇ ਹੋਰ ਦੇਖਭਾਲ਼ ਕਰਨ ਵਾਲ਼ਿਆਂ ਨੂੰ, ਵਰਕਸੇਫ ਬੀ ਸੀ ਤੇ ਕੁੱਝ ਹੋਰ ਅਪੰਗਤਾ ਬੀਮਾ ਕਰਤਾਵਾਂ ਨਾਲ਼ ਸਿੱਝਣ ਕਰਕੇ, ਨੋ ਫਾਲਟ ਇੰਸ਼ੋਰੈਂਸ ਬਾਰੇ ਪਹਿਲਾਂ ਹੀ ਬਹੁਤ ਤਜ਼ਰਬਾ ਹੈ।  ਵਰਕਸੇਫ ਬੀ ਸੀ ਵਾਂਗ ਹੀ, ਨੋ ਫਾਲਟ ਆਟੋ ਇੰਸ਼ੋਰੈਂਸ ਅਧੀਨ, ਉਹ ਲੋਕ ਜਿਨ੍ਹਾਂ ਨੂੰ ਦੇਖਭਾਲ਼ ਦੀ ਜ਼ਰੂਰਤ ਹੈ, ਉਨ੍ਹਾਂ ਨੂੰ ਸੰਭਾਵਤ ਤੌਰ ‘ਤੇ ICBC ਨਾਲ਼ ਉਮਰ ਭਰ ਨਜਿੱਠਣ ਲਈ ਮਜ਼ਬੂਰ ਕੀਤਾ ਜਾਵੇਗਾ।

ਬਹੁਤ ਸਾਰੇ ਜਾਂ ਜ਼ਿਆਦਾਤਰ ਵਿਅਕਤੀ ਜੋ ਲੰਬੇ ਸਮੇਂ ਲਈ ਜ਼ਖਮੀ ਹੋ ਚੁੱਕੇ ਹਨ, ਉਹ ਆਪਣੀ ਵਕਾਲਤ ਕਰਨ ਦੀ ਸਥਿਤੀ ‘ਚ ਨਹੀਂ ਹਨ। ਜਿਹੜੇ ਲੋਕ ਸਰੀਰਕ ਤੇ ਮਨੋਵਿਗਿਆਨਕ ਸੱਟਾਂ ਨਾਲ਼ ਜੂਝ ਰਹੇ ਹਨ, ਉਹ ਬਹੁਤੇ ਆਪਣੇ ਹਾਲ ‘ਤੇ ਹੀ ਹੋਣਗੇ।  ਸਰਕਾਰ ਇਹ ਖੁਦ ਮੰਨਦੀ ਹੈ ਕਿ ਸਾਡੇ ‘ਚੋਂ 700,000 ਲੋਕਾਂ ਕੋਲ਼ ਆਪਣਾ ਖ਼ੁਦ ਦਾ ਇੱਕ ਨਿਯਮਤ ਫੈਮਲੀ ਡਾਕਟਰ ਵੀ ਨਹੀਂ ਹੈ।

ਇੱਥੇ ਹੋਰ ਪੜ੍ਹੋ:

[An Occupational Therapist’s Perspective]

[A Psychiatrist’s Perspective]

ਵਾਹਨ ਚਾਲਕਾਂ ਦੀ ਤੁਲਨਾ ‘ਚ, ਪੈਦਲ ਚੱਲਣ ਵਾਲਿਆਂ, ਸਾਈਕਲ ਚਾਲਕਾਂ ਤੇ ਮੋਟਰਸਾਈਕਲ ਸਵਾਰਾਂ ਨੂੰ ਸਾਡੀਆਂ ਸੜਕਾਂ ‘ਤੇ ਸਭ ਤੋਂ ਜ਼ਿਆਦਾ ਖ਼ਤਰਾ ਹੁੰਦਾ ਹੈ ਅਤੇ ਹਾਦਸਾ ਵਾਪਰ ਜਾਣ ਦੀ ਸੂਰਤ ‘ਚ ਉਨ੍ਹਾਂ ਨੂੰ ਅਕਸਰ ਜ਼ਿਆਦਾ ਗੰਭੀਰ ਸੱਟਾਂ ਤੇ ਨੁਕਸਾਨਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।  ਨੋ ਫਾਲਟ ਇਨ੍ਹਾਂ ਨਾਜ਼ੁਕ ਸਥਿਤੀ ਵਾਲ਼ੇ ਸੜਕ ਵਰਤਣ ਵਾਲ਼ੇ ਲੋਕਾਂ ਲਈ, ਕੋਈ ਖ਼ਾਸ ਸੁਰੱਖਿਆ ਪ੍ਰਦਾਨ ਨਹੀਂ ਕਰਦਾ।  ਸਾਈਕਲ ਚਾਲਕ, ਪੈਦਲ ਚੱਲਣ ਵਾਲ਼ੇ ਤੇ ਮੋਟਰਸਾਈਕਲ ਸਵਾਰਾਂ ‘ਤੇ ਨੋ ਫਾਲਟ ਦੀਆਂ ਘਾਟਾਂ ਦਾ ਅਸਾਧਾਰਣ ਪ੍ਰਭਾਵ ਪਿਆ ਹੈ, ਕਿਉਂਕਿ ਵਹੀਕਲ ਸਵਾਰਾਂ ਨਾਲੋਂ ਉਨ੍ਹਾਂ ਦੇ ਗੰਭੀਰ ਜ਼ਖ਼ਮੀ ਹੋਣ ਦੀਆਂ ਸੰਭਾਵਨਾਵਾਂ ਕਿਤੇ ਵੱਧ ਹੁੰਦੀਆਂ ਹਨ।

1. ਸ਼ਿਕਾਰ ਬਣਨ ਵਾਲ਼ੇ ਬ੍ਰਿਟਿਸ਼ ਕੁਲੰਬੀਆ ਵਾਸੀ – ਕੋਈ ਵੀ ਬ੍ਰਿਟਿਸ਼ ਕੁਲੰਬੀਆ ਨਿਵਾਸੀ, ਜੋ  ਪਹਿਲਾਂ ਤੋਂ ਹੀ ਅਪੰਗ ਹੋਵੇ ਉਸ ਨੂੰ ICBC ਦੇ ਵਿਤਕਰੇ ਦਾ ਸ਼ਿਕਾਰ ਹੋਣ ਦਾ ਖ਼ਤਰਾ ਹੈ,  ਕਿਉਂਕਿ ICBC ਇਸ ਅਧਾਰ ‘ਤੇ ਤਨਖਾਹ ਦੇ ਨੁਕਸਾਨ ਦੀ ਭਰਪਾਈ ਜਾਂ ਇਲਾਜ ਤੋਂ ਨਾਂਹ ਕਰ ਸਕਦੀ ਹੈ, ਕਿ ਇਹ ਹਾਦਸਾ ਉਨ੍ਹਾਂ ਦੀ ਸਰੀਰਕ ਜਾਂ ਮਾਨਸਿਕ ਸਿਹਤ ਖ਼ਰਾਬ ਕਰਨ ਜਾਂ ਉਸ ਨੂੰ ਹੋਰ ਵਿਗਾੜਨ ਦਾ ਕਾਰਨ ਨਹੀਂ ਬਣਿਆ ਹੈ।  ਸਾਡੀ ਮੌਜੂਦਾ ਪ੍ਰਣਾਲੀ ਤਹਿਤ ਕਾਨੂੰਨ ਕਮਜ਼ੋਰ ਲੋਕਾਂ ਦੀ ਰੱਖਿਆ ਕਰਦਾ ਹੈ ਤੇ ਕਸੂਰਵਾਰ ਡ੍ਰਾਈਵਰਾਂ ਨੂੰ ਉਨ੍ਹਾਂ ਵੱਲੋਂ ਕੀਤੇ ਨੁਕਸਾਨ ਤੇ ਘਾਟਿਆਂ ਦਾ ਮੁਆਵਜ਼ਾ ਅਦਾ ਕਰਨ ਲਈ ਮਜ਼ਬੂਰ ਕਰਦਾ ਹੈ, ਭਾਵੇਂ ਕਿ ਨੁਕਸਾਨ ਜਾਂ ਘਾਟੇ ਬਹੁਤ ਖਾਸ ਹੋਣ ਤੇ ਜਾਂ ਕਿਸੇ ਕਮਜ਼ੋਰ ਬ੍ਰਿਟਿਸ਼ ਕੁਲੰਬੀਅਨ, ਜੋ ਪਹਿਲਾਂ ਹੀ ਅਪੰਗ ਹੋਵੇ, ਉਸ ਲਈ ਹੋਰ ਵੀ ਗੰਭੀਰ ਹੋਣ।
2. ਬੇਰੁਜ਼ਗਾਰ – ਬੇਰੁਜ਼ਗਾਰ ਬ੍ਰਿਟਿਸ਼ ਕੁਲੰਬੀਆ ਨਿਵਾਸੀ ਕਿਸੇ ਵੀ ਤਨਖ਼ਾਹ ਦੇ ਨੁਕਸਾਨ ਦੇ ਹੱਕਦਾਰ ਨਹੀਂ ਹੋਣਗੇ, ਬਸ਼ਰਤੇ ਕਿ ਉਹ ਇਹ ਸਾਬਤ ਕਰ ਸਕਣ ਉਨ੍ਹਾਂ ਨੂੰ ਕੰਮ ਮਿਲ ਜਾਣਾ ਸੀ ਪਰ ਹਾਦਸੇ ਕਾਰਨ ਸੰਭਵ ਨਹੀਂ ਹੋ ਸਕਿਆ।  ਉਦਾਹਰਣ ਦੇ ਤੌਰ ‘ਤੇ ਇਹ ਵਿਖਾਉਣ ਨਾਲ ਕਿ ਉਹ ਨਵੀਂ ਨੌਕਰੀ ਸ਼ੁਰੂ ਕਰਨ ਵਾਲ਼ੇ ਸਨ ਜਾਂ ਉਨ੍ਹਾਂ ਨੂੰ ਨੌਕਰੀ ਦੇਣ ਦਾ ਵਾਅਦਾ ਕੀਤਾ ਹੋਇਆ ਸੀ।  ਨਹੀਂ ਤਾਂ ਜੋ ਇਨਸਾਨ ਹਾਦਸਾ ਹੋਣ ਵੇਲੇ ਬੇਰੁਜ਼ਗਾਰ ਹੋਵੇ, ਉਸ ਨਾਲ਼ ਇਸ ਤਰ੍ਹਾਂ ਵਿਵਹਾਰ ਕੀਤਾ ਜਾਵੇਗਾ ਜਿਵੇਂ ਕਿ ਉਹ ਸਦਾ ਲਈ ਹੀ ਬੇਰੁਜ਼ਗਾਰ ਰਹਿਣ ਵਾਲ਼ਾ ਸੀ।

3. ਉਹ ਲੋਕ ਜੋ ਲੇਬਰ ਫੋਰਸ ‘ਚ ਹਿੱਸਾ ਨਾ ਲੈ ਰਹੇ ਹੋਣ – ਛੋਟੇ ਬੱਚਿਆਂ ਦੇ ਮਾਪਿਆਂ ਸਮੇਤ। ਜੇਕਰ ਹਾਦਸਾ ਹੋਣ ਵੇਲੇ ਕੋਈ ਇਨਸਾਨ ਲੇਬਰ ਫੋਰਸ ਦਾ ਹਿੱਸਾ ਨਾ ਹੋਵੇ (ਕੰਮ ਨਾ ਕਰ ਰਿਹਾ/ਰਹੀ ਹੋਵੇ ਤੇ ਨਾ ਹੀ ਕੰਮ ਦੀ ਭਾਲ਼ ‘ਚ ਹੋਵੇ), ਤਾਂ ਉਹ ਤਨਖਾਹ ਦੇ ਨੁਕਸਾਨ ਦੀ ਭਰਪਾਈ ਲਈ ਹੱਕਦਾਰ ਨਹੀਂ ਹੋਣਗੇ। ਕਿਸੇ ਇੱਕ ਨਿਰਧਾਰਿਤ ਸਮੇਂ ਕਿਸੇ ਦੇ ਲੇਬਰ ਫੋਰਸ ਦਾ ਹਿੱਸਾ ਨਾ ਹੋਣ ਦੇ ਕਈ ਕਾਰਨ ਹੋ ਸਕਦੇ ਹਨ, ਪਰ ਭਵਿੱਖ ‘ਚ ਉਨ੍ਹਾਂ ਦਾ ਇਰਾਦਾ ਲੇਬਰ ਫੋਰਸ ‘ਚ ਫਿਰ ਤੋਂ ਸ਼ਾਮਲ ਹੋਣ ਦਾ ਹੁੰਦਾ ਹੈ (ਬੱਚਿਆਂ ਦਾ ਪਾਲਣ ਪੋਸ਼ਣ, ਲੰਬੀ ਛੁੱਟੀ, ਗੈਰ-ਸਥਾਈ ਅਪੰਗਤਾ, ਆਦਿ)।  ਜਿਹੜੇ ਲੋਕ ਲੇਬਰ ਫੋਰਸ ‘ਚ ਹਿੱਸਾ ਨਾ ਲੈ ਰਹੇ ਹੋਣ, ਉਹ ICBC ਦੀ ਨਵੀਂ ਸਕੀਮ ਅਧੀਨ ਤਨਖਾਹ ਦੇ ਨੁਕਸਾਨ ਦੀ ਭਰਪਾਈ ਦੇ ਹੱਕਦਾਰ ਨਹੀਂ ਹੋਣਗੇ।
4. ਵਿਦਿਆਰਥੀ – ਜੇਕਰ ਤੁਸੀਂ ਅਜੇ ਛੋਟੀ ਉਮਰ ਦੇ ਅਤੇ/ਜਾਂ ਇੱਕ ਵਿਦਿਆਰਥੀ ਹੋ ਤੇ ਤੁਸੀਂ ਜ਼ਖਮੀ ਹੋ ਜਾਂਦੇ ਹੋ, ਤਾਂ ਤੁਸੀਂ ਅਜੇ ਆਪਣੀ ਪੂਰੀ ਕਮਾਈ ਕਰਨ ਦੀ ਸੰਭਾਵਨਾ ਦੇ ਨੇੜੇ ਤੇੜੇ ਵੀ ਨਹੀਂ ਪਹੁੰਚੇ ਹੁੰਦੇ। ਇਨ੍ਹਾਂ ਲੋਕਾਂ ਨੂੰ ਉਨ੍ਹਾਂ ਦੀ ਮੌਜੂਦਾ ਕਮਾਈ ਦੇ ਇਤਹਾਸ ਦੇ ਅਧਾਰ ‘ਤੇ, ਜੋ ਕਿ ਬਹੁਤ ਹੀ ਘੱਟ ਹੋ ਸਕਦੀ ਹੈ, ਭਵਿੱਖ ਦੀ ਆਮਦਨੀ ਦਾ ਅਨੁਮਾਨ ਲਾਇਆ ਜਾਵੇਗਾ।  ਭਵਿੱਖ ਦੇ ਲਾਭ, ਜੇਕਰ ਹੋਣਗੇ ਵੀ, ਸੂਬੇ ਅੰਦਰ “ਐਵਰੇਜ ਭਾਵ ਔਸਤ” ਕਮਾਈ ‘ਤੇ ਅਧਾਰਤ ਹੋਣਗੇ, ਨਾ ਕਿ ਉਸ ਵਿਅਕਤੀ ਵੱਲੋਂ ਭਵਿੱਖ ‘ਚ ਉਸ ਵੱਲੋਂ ਕਮਾਈ ਕਰਨ ਦੀ ਯੋਗਤਾ ਦੀ ਸੰਭਾਵਨਾ ਨੂੰ ਧਿਆਨ ‘ਚ ਰੱਖਦੇ ਹੋਏ।

1. ਨੌਜਵਾਨ ਲੋਕ – ਇਨ੍ਹਾਂ ਲੋਕਾਂ ਦੇ ਤਨਖ਼ਾਹ ਦੇ ਨੁਕਸਾਨ ਦੀ ਭਰਪਾਈ, ਹਾਦਸਾ ਹੋਣ ਵੇਲੇ ਉਨ੍ਹਾਂ ਦੀ ਹੋਣ ਵਾਲੀ ਕਮਾਈ ਦੇ ਅਧਾਰ ‘ਤੇ ਕੀਤੀ ਜਾਵੇਗੀ।  ਜਿਵੇਂ ਜਿਵੇਂ ਕੋਈ ਵਿਅਕਤੀ ਕੰਮ ‘ਚ ਅਨੁਭਵ ਪ੍ਰਾਪਤ ਕਰਦਾ ਹੈ, ਉਸ ਦੀ ਤਨਖਾਹ ਵੀ ਉਸ ਅਨੁਸਾਰ ਵਧਦੀ ਜਾਂਦੀ ਹੈ।  ਨੌਜਵਾਨ ਲੋਕਾਂ ਨੂੰ ਉਸ ਤਨਖਾਹ ਘਾਟਾ ਪੂਰਤੀ ‘ਚ ਬੰਦ ਕਰ ਦਿੱਤਾ ਜਾਂਦਾ ਹੈ ਜੋ ਕਿ ਯਕੀਨਨ ਤੌਰ ‘ਤੇ ਉਨ੍ਹਾਂ ਦੀ ਕਮਾਈ ਕਰਨ ਦੀ ਸਮਰੱਥਾ ਨੂੰ ਘੱਟ ਦਰਸਾਵੇਗਾ।
2. ਪਾਰਟ-ਟਾਈਮ ਕਾਮੇ (ਛੋਟੇ ਬੱਚਿਆਂ ਦੇ ਮਾਪਿਆਂ ਜਾਂ ਸਰਪ੍ਰਸਤਾਂ ਸਮੇਤ) – ਇੱਕ ਵਾਰ ਫਿਰ ਕਿਸੇ ਇਨਸਾਨ ਦੇ ਆਪਣੇ ਕੈਰੀਅਰ ਦੌਰਾਨ ਕਿਸੇ ਇੱਕ ਸਮੇਂ ਪਾਰਟ-ਟਾਈਮ ਕੰਮ ਕਰਨ ਦੀ ਚੋਣ ਕਰਨ ਦੇ ਕਈ ਕਾਰਨ ਹੋ ਸਕਦੇ ਹਨ, ਪਰ ਭਵਿੱਖ ‘ਚ ਉਹ ਫੁੱਲ ਟਾਈਮ ਨੌਕਰੀ ਕਰਨ ਦਾ ਪੂਰਾ ਇਰਾਦਾ ਰੱਖਦੇ ਹਨ।
3. ਬਹੁਤ ਜ਼ਿਆਦਾ ਕਮਾਈ ਕਰਨ ਵਾਲ਼ੇ – ਨਵੀਂ ਸਕੀਮ ਤਨਖਾਹ ਦੇ ਘਾਟੇ ਦੀ ਪੂਰਤੀ ਲਈ ਵੱਧ ਤੋਂ ਵੱਧ ਸਿਰਫ $93,000 ਪ੍ਰਤੀ ਸਾਲ ਹੀ ਅਦਾ ਕਰੇਗੀ। ਜਿਹੜੇ ਲੋਕ ਇਸ ਤੋਂ ਜ਼ਿਆਦਾ ਕਮਾਈ ਕਰਦੇ ਹਨ, ਉਨ੍ਹਾਂ ਨੂੰ ਘੱਟ ਮੁਅਵਜ਼ਾ ਮਿਲੇਗਾ।
4. ਔਰਤਾਂ ਤੇ ਘੱਟ ਗਿਣਤੀਆਂ – ਔਰਤਾਂ ਤੇ ਘੱਟ ਗਿਣਤੀਆਂ ਵਿਤਕਰੇ ਦੇ ਅਧਾਰ ‘ਤੇ ਤਨਖਾਹ ਦੇ ਪਾੜੇ ਦਾ ਅਨੁਭਵ ਕਰਦੀਆਂ ਹਨ। 2018 ‘ਚ ਔਰਤਾਂ ਨੇ ਮਰਦਾਂ ਦੇ ਮੁਕਾਬਲੇ 13.3% ਪ੍ਰਤੀ ਘੰਟਾ ਘੱਟ ਕਮਾਈ ਕੀਤੀ।  ਮੌਜੂਦਾ ਪ੍ਰਣਾਲੀ ਤਹਿਤ ਤਨਖਾਹ ਦੇ ਨੁਕਸਾਨ ਦੀ ਪੂਰਤੀ ਲਈ ਇਤਹਾਸਿਕ ਤੇ ਮੌਜੂਦਾ ਵਿਤਕਰੇ ਨੂੰ ਧਿਆਨ ‘ਚ ਰੱਖਦੇ ਹੋਏ ਕੀਤੀ ਜਾਵੇਗੀ। ਫਿਰ ਵੀ ICBC ਦੀ ਨਵੀਂ ਸਕੀਮ ਅਧੀਨ ਤਨਖਾਹ ਦੇ ਲਾਭ ਚੱਲ ਰਹੇ ਵਿਤਕਰੇ ਦੇ ਅਧਾਰ ‘ਤੇ ਹੀ ਦਿੱਤੇ ਜਾਣਗੇ।     

ਹੋਰ ਪੜ੍ਹਨ ਲਈ ਇੱਥੇ ਜਾਓ:

[New ICBC Scheme will Discriminate Against Many People]

ਯੂਕੌਨ, ਅਲਬਰਟਾ, ਓਂਟਾਰੀਓ, ਨਿਊ ਬ੍ਰੰਜ਼ਵਿੱਕ, ਨੋਵਾ ਸਕੋਸ਼ੀਆ, ਪ੍ਰਿੰਸ ਐਡਵਰਡ ਆਈਲੈਂਡ ਅਤੇ ਨਿਊਫਊਂਲੈਂਡ ‘ਚ ਨੋ ਫਾਲਟ ਇੰਸ਼ੋਰੈਂਸ ਨਹੀਂ ਹੈ।  ਇਨ੍ਹਾਂ ਸਾਰੇ ਸੂਬਿਆਂ ‘ਚ ਪ੍ਰਾਈਵੇਟ ਇੰਸ਼ੋਰੈਂਸ ਕੰਪਨੀਆਂ ਹਨ ਜੋ ਗਾਹਕਾਂ ਲਈ, ਇੱਕ ਦੂਜੇ ਨਾਲ਼ ਮੁਕਾਬਲਾ ਕਰਦੀਆਂ ਹਨ।  ਇਨ੍ਹਾਂ ਸਾਰੇ ਸੂਬਿਆਂ ‘ਚ ਘੱਟ ਗੰਭੀਰ ਸੱਟਾਂ ਦੇ ਮੁਆਵਜ਼ੇ ਤੇ ਪਾਬੰਦੀਆਂ ਜਾਂ ਸੀਮਾਵਾਂ (Caps) ਹਨ, ਪਰ ਤੁਸੀਂ ਫਿਰ ਵੀ ਕਸੂਰਵਾਰ ਡ੍ਰਾਈਵਰਾਂ ਵਿਰੁੱਧ ਹਰਜ਼ਾਨੇ ਲਈ ਦਾਅਵਾ ਕਰ ਸਕਦੇ ਹੋ, ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਇੰਸ਼ੋਰੈਂਸ ਕੰਪਨੀ ਤੁਹਾਡੇ ਨਾਲ ਬੇਇਨਸਾਫੀ ਕਰ ਰਹੀ ਹੈ, ਤਾਂ ਤੁਸੀਂ ਅਦਾਲਤ ‘ਚ ਮੁਕੱਦਮਾ ਕਰਕੇ ਆਪਣੇ ਕੇਸ ਦਾ ਫੈਸਲਾ ਅਦਾਲਤ ਤੋਂ ਕਰਵਾ ਸਕਦੇ ਹੋ।  ਇਨ੍ਹਾਂ ਸੂਬਿਆਂ ‘ਚੋ ਕੋਈ ਵੀ ਸੂਬਾ, ਤੁਹਾਨੂੰ ਉਸ ਟ੍ਰਿਬਿਊਨਲ ਕੋਲ ਅਪੀਲ ਕਰਨ ਲਈ ਮਜ਼ਬੂਰ ਨਹੀਂ ਕਰਦਾ ਜਿਸ ਨੂੰ ਸਰਕਾਰ ਕੰਮ ‘ਤੇ ਰੱਖਦੀ ਜਾਂ ਕੰਮ ‘ਤੋਂ ਹਟਾਉਂਦੀ ਹੋਵੇ।

ਕੁਬੈਕ ‘ਚ ਪ੍ਰਾਈਵੇਟ ਇੰਸ਼ੋਰੈਂਸ ਕੰਪਨੀਆਂ ਹੋਣ ਦੇ ਨਾਲ਼ ਹੀ ਨੋ ਫਾਲਟ ਇੰਸ਼ੋਰੈਂਸ ਸਕੀਮ ਵੀ ਚਲਦੀ ਹੈ ਜੋ ਕਿ ਸਿਵਲ ਨਿਆਂ ਪ੍ਰਣਾਲੀ ਸਿਸਟਮ ਹੋਣ ਕਰਕੇ ਕਨੇਡਾ ਭਰ ‘ਚ ਸਭ ਤੋਂ ਅਨੋਖੀ ਹੈ, ਤੇ ਬਾਕੀ ਕਨੇਡਾ ਦੇ ਆਮ ਕਾਨੂੰਨੀ ਅਧਿਕਾਰਾਂ ਦੇ ਉਲਟ ਹੈ।

ਸਿਰਫ ਸਸਕੈਚਵਨ ਤੇ ਮੈਨੀਟੋਬਾ ਹੀ ਕਨੇਡਾ ‘ਚ ਹੋਰ ਨੋ ਫਾਲਟ ਅਧਿਕਾਰ ਖੇਤਰ ਵਾਲੇ ਸੂਬੇ ਹਨ, ਇਹ ਦੋਵੇਂ ਹੀ ਬੀ ਸੀ ਵਰਗੇ ਸੂਬੇ ਹਨ, ਸਰਕਾਰ ਦੁਆਰਾ ਚਲਾਏ ਜਾਣ ਵਾਲੇ ਮਨੌਪਲੀ ਆਟੋ ਇੰਸ਼ੋਰੈਸ ਕਰਤਾ, ਜਿਸ ਦਾ ਮਾਰਕਿਟ ‘ਚ ਕੋਈ ਮੁਕਾਬਲਾ ਕਰਨ ਵਾਲੀ ਹੋਰ ਕੰਪਨੀ ਨਹੀਂ ਹੈ।  ਪਰ ਫਿਰ ਵੀ, ਸਸਕੈਚਵਨ ‘ਚ ਲੋਕਾਂ ਨੂੰ ਆਪਣੇ ਸਾਰੇ ਨੁਕਸਾਨਾਂ ਦੀ ਪੂਰਤੀ ਕਰਨ ਲਈ ਆਪਣਾ ਖ਼ੁਦ ਦਾ ਬੀਮਾ ਕਰਵਾਉਣ ਦੀ ਚੋਣ ਦਿੱਤੀ ਜਾਂਦੀ ਹੈ,  ਬੀ ਸੀ ‘ਚ ਨੋ ਫਾਲਟ ਇੰਸ਼ੋਰੈਂਸ ਖਰੀਦਣਾ ਹਰ ਇੱਕ ਲਈ ਲਾਜ਼ਮੀ ਹੈ, ਅਤੇ ਇਸ ਦਾ ਹੋਰ ਕੋਈ ਬਦਲ ਨਹੀਂ ਹੈ।

ਤੁਸੀਂ ਇਸ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰਕੇ ਤੇ ਲੋਕਾਂ ‘ਚ ਇਸ ਨੂੰ ਪ੍ਰਚਾਰ ਕੇ ਸਾਡੀ ਮਦਦ ਕਰ ਸਕਦੇ ਹੋ, ਆਪਣੇ ਦੋਸਤਾਂ, ਪਰਿਵਾਰ, ਸਹਿ-ਕਰਮਚਾਰੀਆਂ ਤੇ ਭਾਈਚਾਰੇ ਨੂੰ ਕਹੋ ਕਿ ਉਹ:

• https://www.notonofault.com ‘ਤੇ ਜਾਣ
• ਸਾਡੀਆਂ ਈਮੇਲ ਅੱਪਡੇਟਾਂ ‘ਚ ਸ਼ਾਮਲ ਹੋਣ
• Facebook ਤੇ Twitter ‘ਤੇ ਸਾਨੂੰ ਫੌਲੋ ਕਰਨ

ਅਸੀਂ ਤੁਹਾਡੇ ਵਿਚਾਰ ਵੀ ਸੁਣਨੇ ਚਾਹੁੰਦੇ ਹਾਂ। ਆਪਣੇ ਸਵਾਲ ਸਾਨੂੰ [email protected] ‘ਤੇ ਈਮੇਲ ਕਰੋ ਜਾਂ ICBC ਕਲੇਮ ਅਡਜਸਟਰ ਨਾਲ ਜਾਂ ਨੋ ਫਾਲਟ (ਸਸਕੈਚਵਨ, ਮੈਨੀਟੋਬਾ ਜਾਂ ਵਰਕਸੇਫ ਬੀ ਸੀ ਰਾਹੀਂ) ਨਜਿੱਠਣ ਦੇ ਆਪਣੇ ਤਜ਼ਰਬੇ ਦੀ ਕਹਾਣੀ ਸਾਂਝੀ ਕਰਨ ਲਈ ਇੱਥੇ ਭੇਜੋ, ਆਪਣੀ ਕਹਾਣੀ ਸਾਂਝੀ ਕਰੋ।